Lushnja e ka nisur kampionatin në Kategorinë e Parë me një barazim në transfertën e Tomorit. Verdhejeshilët kanë një “armë” shumë të fortë dhe ata janë tifozët, ose më saktë tifogrupi “Telegatët”.
Në një postim në faqen e tyre zyrtare në rrjetin social “Facebook”, lushnjarët bëjnë thirrje për takimin e radhës që do të kenë në shtëpi ndaj Orikumit në javën e dytë të kampionatit, por ajo që bie në sy janë fjalët e tyre, pasi për ta nuk ka rëndësi se në çfarë kampionati luajnë, sepse kategoritë janë thjesht numra.
“Ju ftojmë në Roza Haxhiu te shtunën kundër Orikumit. Kategoritë janë thjeshtë numra”.