Armando Vajushi duket se nuk ka ndërmed të ndalet së shënuari në Rumani. Sulmuesi shqiptar është pjesë e Petrolul që militon në Ligën e dytë rumune e ditën e sotme ka shënuar dy gola në fitore 1-2 që skuadra e tij mori ndaj Csikszereda M. Ciuc në transfertë.
Shkodrani 28-vjeçar shënoi golin e parë të ndeshjes në minutën e 3-të me penallti, ndërsa 30 minuta më vonë tundi sërish rrjetën me një gjuajte të fortë nga jashtë zone. Me dopietën e sotme, Vajushi shkon në kuotën e 4 golave në 3 ndeshje duke treguar se është në një formë mjaft të mirë në aspektin personal.
Loading ...
