Turneu UEFA Development U-16 për vajza uli me sukses siparin ditën e djeshme me sfidat e fundit të luajtura në “Shtëpinë e Futbollit. Ky turne i organizuar me sukses nga Federata e Futbollit, i lë radhën një tjetër aktiviteti, këtë herë për djemtë U-16 të drejtuar nga trajneri Andrea Tedesco.
Shqipëria, Andorra, Kosova e San Marino do të zhvillojnë në vendin tonë një turne zhvillimor për këtë grupmoshë, ku fokusi është evidentimi i sa më shumë talenteve të reja. Shqipëria e trajnerit Tedesco është përgatitur dhe stërvitur për katër ditë me radhë në Durrës dhe nesër në ora 15:00 do të luajë ndeshjen e parë të turneut kundër Andorrës në “Shtëpinë e Futbollit”. Skuadra gëzon formë të mirë fizike dhe është gati për takimin e nesërm.
Sakaq, po në “Shtëpinë e Futbollit” do të luhet në ora 11:00 ndeshja tjetër mes San Marinos dhe Kosovës. Ndeshjet do të transmetohen live në kanalin zyrtar të FSHF-së në Youtube.
Lexo gjithashtu
