Dinamo humbi 2-1 me përmbysje nga Kukësi për javën e 34 në Superligë. Sfida e humbur në “Kukës Arena” rrëzon edhe matematikisht Dinamon nga Superliga, pas një sezoni të luajtur në elitë. Mendjen te Skuka e kishte Vanoli i Dinamos, që foli pas ndeshjes për Gol pas Goli.
“Rënia nga Superliga me përmbysje? Paraqitja ka qenë e mirë sa kohë që kam ardhur unë. Falenderoj lojtarët sepse më dhanë gjithçka në fushë dhe nuk kam asnjë kritikë.
Lojtarët që kam në dispozicion më kanë dhënë gjithçka si në stërvitje dhe lojë. Më vjen keq që kishim një lojtar si Skuka dhe e larguan në merkato, doja ta stërvisja.
Motivi – Jemi të karrikuar edhe në dy ndeshjet e radhës që kanë mbetur. Do bëjmë ndeshje të mira në sfidat e mbetura dhe do mendojmë për vitin që vjen”, tha Vanoli që nuk ka fituar asnjë ndeshje me Blutë.
Lexo gjithashtu
