U rikthye me vonesë te Partizani, Fejzullahit i marrin numrin e fanellës

Arbnor Fejzullahi ishte një ndër lojtarët më të përfolur në ekipin e Partizanit, pasi mbrojtësi 23-vjeçar nuk ishte rikthyer në kampin e kuq. Por së fundmi ai vendosi të rikthehej për të qenë pjesë e tyre edhe për një sezon. Anësori i djathtë i mbrojtjes ishte një ndër lojtarët më të rëndësishëm të Partizanit sezonin e kaluar duke qenë shpesh herë protagonist nëpër ndeshje. Sezonin e kaluar i riu nga Lugina e Preshevës kishte mbi shpinë numrin katër. Por këtë sezon të ri, ai do të mbajë numrin 31, pasi shoku i tij i skuadrës, mbrojtësi shkodran Hakaj që u afrua tek të kuqtë në fillim të merkatos verore, ka zgjedhur të mbajë pikërisht numrin katër që mbante Fejzullahi.