Dritan Mehmeti është surprizuar nga tifozët e Partizanit, të cilët i kanë dizajnuar një fanelë me emrin e tij në rrjetet sociale. Një dhuratë simbolike për trajnerin e ekipit të dytë, i cili e ka ndarë këtë gjest të mbështetësve kampionë me ndjekësit e tij. Përmes një mesazhi falënderues, Mehmeti shkruan: “Një dhuratë shumë e bukur nga tifozët më të mirë. Ju përshëndes!”.
Kujtojmë që Dritan Mehmeti ishte pjesë e stafit teknik në skuadrën e parë. Por, pas përplasjes me trajnerin italian, Franco Lerda, drejtuesit vendosën që ai të kalonte në drejtimin e Partizanit B. Edhe pse është larg syrit të publikut, Mehmeti duket se nuk e ka humbur respektin e tifozëve të kuq.
