Të dielën Teuta dhe Kamza përballen me njëra-tjetrën në kuadër të javës së tretë të Kategorisë Superiore. Pas një fitore befasuese ndaj Tiranës në javën e parë, kamzalinjtë u mposhtën minimalisht nga Partizani në javën e dytë. Megjithatë për Kamzën kjo nuk do të thotë se duhet të stepen përballë durrsakëve.
Mesfushori Xhuljo Mehmeti në një intervistë për “Supersport” deklaroi se Kamza nuk diskuton rezultat tjetër përveç fitores me Teutën. Për 24-vjeçarin mbijetesa nuk është objektivi i vetëm i Kamzës.
“Besoj dhe kam bindje se këtë vit Kamza do të jetë për më shumë se qëndrim në Kategorinë Superiore. Teuta ka ndryshuar shumë këtë vit dhe në këto ndeshje kemi luajtur mirë. Do të jetë një përballje mjaft e mirë ndaj Teutës, pasi të dyja skuadrat do të luajnë për 3 pikët. Si trajneri ynë, ashtu edhe trajneri i Teutës kërkojnë lojë dhe kam besim se do të jetë një ndeshje e bukur.”, shprehet lojtari i Kamzës.
Loading ...
