Mirsad Jonuz u largua ditën e djeshme nga Vllaznia duke mos pranuar të rikthehet sërish në Shkodër. Problemet financiare, por edhe kontrata e përfunduar bën që trajneri maqedonas të mbyll përfundimisht aventurën e tij me Vllazninë.
Jonuz është rikthyer në shtëpinë e tij në Maqedoninë e Veriut dhe është në pritje të ofertave të reja për sezonin e ri. Në një intervistë për “Gol.mk”, 58-vjeçari është shprehur se ka pasur shumë oferta nga vende të ndryshme e gjithashtu sërish nga Shqipëri.
“Do të dëshiroja të kthehem në futbollin maqedonas, por vetëm nëse një klub ka një projekt serioz. Kam disa oferta nga Lindja e Mesme dhe klube serioze nga Qipro dhe Shqipëria. Oferta që kam marrë nga Irani është shumë serioze. Por le të presim që pandemia të përfundojë, atëherë unë do të vendos”.
Loading ...
