Bruno Telushi i ka dhënë fund aventurës te Kukësi. Mesfushori vlonjat u transferua te verilindorët në këtë merkato vere, megjithatë oferta e bërë nga Neftchi Baku ka joshur "ushtarin".
Pas njoftimit nga ana e klubit verilindor ku bëhej me dije që 29-vjeçari është transferuar në Azerbajxhan, është vetë ai që ka falënderuar në rrjetet sociale.
Veçon trajnerin Skënder Gega si mbështetësin e madh në karrierën e tij, ndërsa përmend edhe shokët me të cilët ka luajtur.
"Kjo ishte një eksperiencë e shkurtër për mua me fanellën e Kukësit, por që e shijova në maksimum. Dua t'i falenderoi të gjithë për respektin që treguan për mua.
Falenderoj presidentin, falenderoj jashtë mase shokët e ekipit dhe mbi të gjithë, dua të falenderoi trajnerin tim të zemrës, që është padyshim një pikë shumë e fortë për mua dhe një mbështetës. Faleminderit Kukësit, me respekt Bruno Telushi", shkruante mesfushori i Kukësit.
Lexo gjithashtu
