Ardian Takaj dhe Arlind Boshku janë padyshim dy nga njerëzit që kanë kontribuar në klubin e Skënderbeut duke e çuar ekipin korçar në nivele të jashtëzakonshme. Tanimë, bardhekuqtë janë rikthyer në Superiore ku do të tentojnë të japin maksimumin e tyre. Në Kategorinë e Parë, Skënderbeu vuri “diktatin” duke e bërë misionin “elitë”, thjeshtë çështje kohe.
Për ekipin e para disa sezoneve është bërë nostalgjik, Tonin Frroku. Gazetari i njohur ka postuar një foto në facebook-un e tij duke treguar presidentin Ardian Takaj dhe zëvendësin, Arlind Boshku. Ndërkohë para tyre janë të rreshtuar trofetë që Skënderbeu i asaj kohe i koleksiononte njëri pas tjetrit, duke arritur të shkruante historinë edhe në Europë.
