Inter dhe Pirelli kanë zyrtarizuar divorcin pas 27 vitesh bashkëjetesë. Prej afro tre dekadash, kompania e makinave ka qenë e stampuar në fanellën zikaltër edhe si një tregues i forcës financiare. Sponsori Pirelli, nga sezoni që vjen nuk do jetë më pjesë e zikaltërve, teksa marrëveshja mes palëve është prishur.
Një gjë të tillë e konfirmon edhe CEO i Pirellit, Marco Tronceti Provera. “Ne nuk do të jemi më sponsorë të fanellës së Interit, por marrëdhënia jonë me klubin do të vazhdojë. Po flasim me Antonelli dhe Marotta rreth asaj se si do të duket bashkëpunimi i mëtejshëm” , tha Marco Provera. Pirelli lë mundësinë të hapur për një tjetër lloj bashkëpunimi, me Inter që është në krizë financiar dhe Suning po përpiqet të shesë klubin.
Loading ...
