Ilir Daja ka folur pas ndeshjes me Teutën, ku skuadra e tij Skënderbeu barazoi me rezultatin 1-1. Trajneri i korçarëve deklaroi për mikrofonin e Supersport:
“Ndeshjen e kishim përgatitur me koeficient vështirësie për vetë faktin që Teuta ka arritur të marrë 10 pikë në këtë pjesë të dytë të kampionatit. Kemi pasur shumë raste në fillim, por më pas pësuam golin pas një vendosje jo të mirë të skuadrës. Më pas pjesa tjetër e takimit foli me doza emocionale për shkak se skuadra nuk pranon rezultat tjetër veç fitores. Mendoj se barazimi ishte rezultati më i drejtë. Nxitimi i vetëm ishte se të dy sulmuesit prisnin topa nga dy anët fundore të fushës.
Natyrshëm kur përfundon ndeshja gjen dhe gabimet. Unë nuk e shmang përgjegjësinë te ky rezultat. Ashtu siç fitojmë kemi të gjithë merita, e njëjtë është situata edhe kur barazojmë apo humbim. Jashanica nuk iu përgjigj dot rolit të mbrojtësit të djathtë, ndaj vendosëm ta kthenim në qendër të prapavijës.
Në ndeshjen me Luftëtarin fituam me meritë. Ashtu dhe me Vllazninë, megjithëse opionionistët në studio hedhin fall me letra në darkë dhe thanë që do ta kemi të vështirë. Megjithatë ne dominuam si me lojë, ashtu dhe me rezultat në të dy takimet.
Orelesi nuk ishte në një ditë të mirë, por kishim problem edhe me dy qendrat e mbrojtjes. Komplet linja e mbrojtjes më pas kishte probleme pasi skuadra u emocionua pasi donin të fitonin.
Nuk jam marrë kurrë me ekipe kundërshtare, nuk e kam në etikën time. Jam marrë me persona që hedhin baltë mbi punën time. E kam pasur me opinionistët e nderuar të futbollit shqiptar”, përfundoi Ilir Daja.
Loading ...
