Trajneri serb i Luftëtarit kursen klubin, s’ka ka nevojë për përkthyes, mësoni arsyen!

Disa ditë më parë Luftëtari zyrtarizoi në krye të skuadrës së sezonit të ri trajnerin serb Mladen Milinkoviç, i cili është duke menduar për përbërjen e grupit të lojtarëve. Zakonisht, trajnerët e huaj kanë vështirësi në komunikimin me pjesëtarët e stafit dhe lojtarët, por serbi i gjirokastritëve nuk e ka një problem të tillë. Ai flet shumë mirë greqisht, kështu që mund të merret vesh me të gjithë, sepse në Gjirokastër të gjithë dinë nga pak greqisht. Po ashtu, drejtori Vasil Papa, i cili e flet shumë mirë greqishten, do ta ndihmojë për të shpjeguar çështje specifike. Në fakt, shumë nga lojtarët e merkastos së Luftëtaritn pritet të vijnë nga Greqia dhe në komunikimin me ta trajenri Milinkoviç nuk do të ketë nevojë për përkthyes, pasi do të flasë greqisht. Klubi gjirokatstrit mund të kursehet kështu dhe të mos paguajë për përkthyesin.