Edi Martini ka folur pas fitores 2-0 në transfertë kundër Kukësit. Trajneri i Teutës deklaroi për mikrofonin e Supersport:
“Të them të drejtën ka qenë një javë e ngarkuar. Humbja që pësuam në Durrës me Tiranën ishte e papritur për ne. Normalisht ishte javë e vështirë. Stërvitja dilte në plan të dytë sepse e tillë ishte situata. Kam pasur besim të jashtëzakonshëm. Sot ishte provë karakteri.
Krasniqi? Është shumë e rëndësishme, ai është pjesë e jona. Nuk ka qenë aty ku kemi dashur. Ka lëvizuar shumë dhe ka krijuar shumë. Këto janë javë vendimtare. Me ndihmë të Zotit shpresojmë të ecë përpara për të shënuar sërish.
Vila? Ishte zgjedhje për shkak të kundërshtarit. Donim ta kishim më afër kundërshtarit. Vrapon më shumë se të gjithë në Superligën Shqiptare.
Vllaznia? Është ndeshje shumë e rëndësishme, jo se lozim kundër shkodranëve, por sepse edhe ato pretendojnë titullin. Unë uroj të fitojë më i miri.
Ndryshimi? Ne kemi luajtur sport vetë. Qëllon një ditë që skuadra nuk është në ditën e saj. Unë dua ta fus atë ndeshjen me Tiranën, ku ekipi nuk ishte aty ku duhet. Por, mos të mohojmë dhe meritën e Tiranës. Ne kemi dhënë prova që kemi sulmuar kur duhet. Përqëndrimi i djemve është për t’u vlerësuar maksimalisht.
6 javët e mbetura? Unë jam besimplotë sepse kam një skuadër me eksperiencë. Kam lojtarë që kanë karakter të fortë, janë të lidhur me njëri-tjetrin. Të ruajmë qetësinë dhe të përqëndrohemi maksimalisht”, përfundoi ai.
Loading ...
