Tirana luan të shtunë në 16:00 javën e 32 me Kastriotin, ndërsa ka në favor kalendarin. Të gjendur shtatë pikë larg Partizanit kryesues, bardheblutë janë më të favorizuar se kundërshtarët direkt për një vend në Kupat e Europës. Pas krutanëve, kampionët në fuqi të vendit do ndeshen me Partizanin në derbin e kryeqytetit, teksa më pas do presin Laçin. Në dy sfidat e fundi, Tirana luan me Apoloninë në transfertë dhe e mbyll me Skënderbeun në shtëpi.
Nëse shohim kalendarin e rivalëve, bardheblutë kanë ndeshje më të lehta, teksa nga pesë duele përballen në tre prej tyre që luftojnë për mbijetesën. Në pesë ndeshjet e fundit bardheblutë nuk kanë asnjë humbje, teksa deçizive do jetë përballja derbi me Partizanin në Air Albania. Duket se ngjeshja e renditjes ka bërë që Tirana të shpresojë deri në fund për një vend në Europë.
Loading ...
