Sikur të mos mjaftonte orari i takimit që drejtuesit e kuq kanë caktuar për zhvillimin e saj, orën 18:00, një orar aspak komod duke parë edhe temperaturat e larta për të mbushur shkallët e stadiumit, kanë dalë edhe çmimet e biletave për ndeshjen e Europa League me Slovan Bratislavën. Klubi i kuq ka bërë me dije se për këtë takim çmimet e biletave në tribunat respektive të stadiumit “Elbasan Arena” do te jenë:
Biletat në Tribunën VIP do të kushtojnë 2 000 Lek
Biletat në Tribunat A2, A3 dhe, B3 do të kushtojnë 1 500 Lek
Biletat në Tribunën E do të kushtojnë 500 Lek
Tifozeria e kuqe do të akomodhet në sektorin e Tribunës E
Tifozeria mike nga Sllovakia do të ketë në dispozicion Tribunën G3
Tifozët e kuq janë të detyruar të udhëtojnë drejt Elbasanit, pasi Partizani akoma nuk ka një “shtëpi” për të luajtur në kryeqytet.
