Teuta e këtij sezoni është në një formë shumë të mirë. Rezultatet dhe pozicioni në tabelën e klasifikimit lënë hapësirë dhe për pretendime rreth kampionatit. Silvestër Shkalla, mbrojtësi i durrsakëve ka folur për “RTSH-Sport” duke qartësuar objektivate ekipit.
Ai ka thënë: “Laçi ka një ekip shumë të mirë dhe futemi në këtë ndeshje për të marrë tri pikët. Laçi është skuadër e fortë, por ne jemi shumë kohë pa humbje dhe shpresojmë të vazhdojmë kështu.
Më vjen mirë që i kemi kthyer në stadium, tani le t’i mbajmë aty. Objektivi ynë dihet, Kupat e Evropës. Deri më tani, po bëjmë shumë mirë dhe mund të synojmë për titullin, por duhet bërë pak më shumë”