Durrsakët fituan një vend për në Europa League sepse Kukësi fitoi trofeun e Kupës së Shqipërisë. Ekip i ndërtuar me lojtarë të rinj, por që kanë dëshirë për të luftuar. Ndërkohë që kontratat e gjata do t’i mbajnë ata edhe për të ardhmen. Pra, merkato mund të prekë një pjesë të vogël të grupit të “djemve të detit”. Sipas burimeve pranë klubit durrsak, bëhet me dije se blerjet do të jenë të mirëmenduara dhe nuk do të jenë të shumta në numër.
Po shihet mundësia e afrimit të lojtarëve nga tregu vendës, po ashtu dhe nga ai i huaj. Teuta kërkon nga një përforcim në çdo repart, pa përfshirë portën, pasi stafi trajnues beson në aftësitë e Moçkës. I pari i afruar është shkodrani Jasmin Raboshta, i cili ishte goeladori i Kastriotit në Kategorinë e Parë. Megjithatë, ai do të provohet nga trajnerët Xhevahir Kapllani dhe Julian Ahmataj.
