Teuta po përgatitet për ndeshjen e nesërme në Kupë kundër Turbinës, sfidë që do të luhet në Cërrik.
Për këtë durrsakët kanë mbyllur ditën e sotme përgatitjet me seancën e fundit stërvitore në qytetin bregdetar. Në këtë mënyrë tekniku i “Djemve të detit” Bledi Shkëmbi do të kërkojë një tjetër sukses, pas paraqitjeve të mira në tre javët e para në kampionat.
Njoftimi i plotë i klubit të Teutës:
Ekipi ka zbritur në fushë sot pasdite në orën 17:00 në ‘Olympic Park’ ku është zhvilluar një seancë e karakterit tekniko-taktik në kuadër të takimit të së mërkurës në Cerrik.