Teuta ka 11 ndeshje pa pësuar një humbje. Kjo ecuri e ekipi durrsak padyshim që ka mahnitur të gjithë, jo vetëm tifozët, apo klubin, por edhe ekipet e tjera të Superligës. E pozicionuar në vendin e tretë me 33 pikë, deri tani sezoni mund të quhet i suksesshëm.
Arkitekti i ekipit është padyshim Bledi Shkëmbi, trajneri që po bën mjaft mirë deri tani. Në faqen zyrtare në rrjetin social “Facebook”, klubi ka bërë një postim falenderues për korçarin Shkëmbi.
Postimi i plotë:
” 11 ndeshje të pamposhtur nën urdhërat e trajnerit Bledi Shkembi.
Bledi Shkembi si një fantazist edhe në stol, deri tani ka treguar se di gjithmonë kur të zgjedhë momentin e duhur për pasimin e fundit dhe Teuta e tij në këtë aspekt duket një shëmbëlltyre e trajnerit”.
Loading ...
