Nuk do të ketë vetëm largime nga “Djemtë e Detit”, por drejtuesit i kanë afrimet me “pikatore”, por edhe larg në kohë nga njëri-tjetri. Për ndeshjet e Europa League drejtuesit kanë nisur të bëjnë merkato kryesisht brenda vendit, ku kanë marrë Markun nga Flamurtari dhe Raboshtën nga Kastrioti. Ndërsa një tjetër ish-lojtar i Kastriotit është bashkuar me ta në Austri. Bëhet fjalë për portierin Daniel Lamellari. Ky i fundit ka mbrojtur fanellën e Dinamos, Sopotit, Laçit e së fundmi Kastriotit. Ndërsa është bërë pjesë zyrtare e Teutës, por nuk dihet nëse do të jetë vetëm për ndeshjet e Europës apo edhe të kampionatit.
Serbi – Tarik Cmajcanin është mesfushori që është bashkuar me Teutën ditën e djeshme. Ky i fundit është 22-vjeç dhe ka luajtur në disa kampionate në botë. Ai u bashkohet durrsakëve pas aventurës me Mika Aschtarak në Armeni.
