Laçi luan të diel me Bylis në shtëpi. Sfida e orës 16:00 vlen për javën e 28 të Superligës, ndërsa te kurbinasit për këtë ndeshje do të mungojë Regi Lushkja. Mesfushori me tipare sulmuese ka plotësuar numrin katër të kartonave të verdhë, duke qenë mungesë e sigurt për sfidën me ballshiotët.
Pas eleminimit nga Kupa e Shqipërisë, Laçi do kërkojë me ngulm që të mbajë hapin e ekipeve të para në kampionat, duke siguruar zonën europiane. Lajmet e fundit flasin për largimin e Selmanit dhe Rapos nga Laçi, ndërsa mungesë e sigurt do jetë edhe Obanor që u ndëshkua nga Disiplina pas ndodhive në Shkodër.