Te Partizani e larguan me ceremoni dhe tashmë janë optimistë për të ardhmen, po di dikush të shënojë si SUKAJ tek të kuqtë?

Partizani kreu një ‘operacion fshesa’ në janar ku largoi disa nga titullarët e sezoneve të fundit nga ekipi. Një ndër ata që u larguan ishte edhe Xhevahir Sukaj, që u konsideru si i pavlefshëm për ekipin e kuq. Rendimenti i 15 herë kampionëve të vendit ishte i ulët pas largimeve të janari, por situata është përmirësuar së fundmi dhe të gjithë në kampin e kuq janë optimistë për të ardhmen dhe për sezonin që vjen.

Është e vërtetë se të kuqtë kanë pasur një ecuri të mirë këtë periudhë, por nuk kanë pasur një bomber që ti udhëheqë me gola. Vetvetiu lind pyetja, a di kush të shënojë si Sukaj te Partizani ? Përgjigja për momentin është jo. Kjo pasi Sukaj që prej largimit nga Partizani, me Vllazninë ka shënuar plot 6 gola. Te të kuqtë askush nuk e ka arritur një shifër të tillë në këtë periudhë kohore.

Ndoshta te Partizani tashmë janë penduar që e larguan shkodranin pasi faktet po tregojnë se ai mbetet një nga sulmuesit më të mirë të Superligës.