Federata Shqiptare e Futbolli ka kërkuar nga instancat përkatëse që ndeshja finale e Kupës së Shqipërisë mes Teutës dhe Tiranës që zhvillohet nesër në 20:00 në Air Albania, të luhet me tifozë.
Institucioni më I lartë I futbollit kërkon që sipas të gjitha protokolleve të lejohen tifozët në tribunat pas porte, duke ndjekur shembullin e djeshëm në finalen e Kupës së Francës.
Reagimi I FSHF-së:
Të dielën, datë 2 gusht 2020 do të zhvillohet finalja e Kupës së Shqipërisë, midis Teutës dhe Tiranës, në stadiumin Air Albania.
FSHF kërkon nga instancat shtetërore që të marrim shembullin e Francës, ku finalja e kupës u zhvillua me tifozë në tribunat pas porte.
Sportdashësit janë qershia mbi tortë në një ndeshje futbolli e aq më tepër në një finale. Edhe FSHF konform rregullave dhe distancimit kërkon që të ketë një numër të kufizuar tifozësh, nën shembullin e Francës.
Loading ...
