Mbeten edhe pak ditë nga takimi i radhës të vlefshëm për javën e 27-të të Kategorisë Superiore. Të kuqtë e drejtuar nga Sulejman Starova do të presin në kryeqytet Skënderbeun, rivalin e madh të viteve të fundit.
Skuadra është duke bërë përgatitje për këtë takim dhe po japin maksimumin e tyre.
Mësohet se përgatitjet deri më tani kanë ecur mirë, dhe se ndaj korçarëve të kuqtë do të jenë me grup të plotë, gjë e cila e kënaq trajnerin Starova. Mbrojtësi Gëzim Krasniqi ka lënë pas problemin e tij pas dëmtimit në stërvitje dhe tashmë është i gatshëm të zbresë në fushë qysh nga minuta e parë.
Po ashtu edhe Agustin Torasa është rekuperuar plotësisht dhe është vënë nën urdhërar e trajnerit, duke shtuar alternativat në vijën e sulmit. Argjentinasi ka qenë titullar i padiskutueshëm këtë sezon dhe pas dëmtimit në kofshë pritet që rikthehet sërish në fushë nga minuta e parë.
Ndërkohë, lajm i mirë është edhe rekuperimi i Bathës, që mungon prej tre javësh duke lënë një boshllëk të madh në mesfushë. Gjithashtu edhe Mazrekaj la pas problemin muskular që e mbajti jashtë për takimin kundër Korabit.
Loading ...
