Kastrioti zbret sërish në fushë për të qëndruar në gadishmëri për pjesën e dytë të sezonit, edhe pse të gjithë kundërshtarët po shfrytëzojnë pushimet për t’u shkëputur përkohësisht nga aktivitetet futbollistike.
Arsyeja se përse krutanët po stërviten ka të bëjë me ruajtjen e formës optimale fizike për të shmangur rritjen e peshës. Ekipi ka mbetur pa trajner, pas dorëheqjes publike të teknikut Stavri Nica pas humbjes me Kukësin me rezultatin 2-0. Deri tani nuk ka një kandidat për të marrë stolin e Kastriotit, por deri në fillim të pjesës së dytë të sezonit klubi do të vendosë për trajnerin e ri. Skuadra është totalisht e rrezikuar për të rënë nga Kategoria Superiore, pasi ka grumbulluar më pak pikë nga të gjitha ekipet. (10 pikë pas 18 ndeshjesh).
Loading ...
