Xhulio Skuka është një nga lojtarët më të kërkuar në Kategorinë Superiore. Sulmuesi i Korabit ka shkëlqyer në Kategorinë e Parë dhe është përfolur shpesh për t'iu bashkuar skuadrave të ndryshme. Së fundmi pati dalë në skenë Dinamo, por duhet thënë se asgjë nuk është konkretizuar duke mbetur në kuadrin e aludimeve.
Fakt është se sulmuesi ka kontratë me dibranët deri në fund të sezonit të ardhshëm. E thënë ndryshe, ai është i "blinduar" edhe për 1 vit nga drejtuesit e Korabit. Edhe pse elita do t'i shkonte për shtat, në Dibër janë të bindur se kushdo që do shërbimet e tij, duhet të paguajë. Mësohet se mes tij ddhe drejtuesve ka pasur më parë një marrëveshje se do të mund të lihet i lirë vetëm për një aventurë jashtë vendit.
Poll
Lexo gjithashtu
