Stenio Junior është larguar nga Shqipëria për të udhëtuar drejt vendlindjes ku do të kalojë disa ditë pushime. Sulmuesi brazilian ka paralajmëruar se do të largohet nga Partizani. Megjithatë drejtuesit duken se e kanë në plane dhe nuk duan ta lëshojnë.
Burime të besueshme pranë klubit të Partizanit bëjnë me dije për newsport.al, që presidenti Gaz Demi i ka kërkuar një takim lojtarit para nisjes për pushime. Edhe pse mes shokëve të skuadrës, ai është shprehur se do të largohet, duket se telefonata me Gaz Demin ka bërë që t’i ndryshojë mendjen.
Megjithatë duhet pritur ende pasi 30-vjeçari ka kontratë deri në fund të qershorit. Në media emri i tij është përmendur edhe te Tirana, mirëpo ka ende kohë deri në fund të muajit të ardhshëm.
Loading ...
