Patrice Evra konsiderohet ndër mbrojtësit e majtë më të mirë ndonjëherë në botën e futbollit. 43-vjeçari francez ka kaluar një karrierë të larmishme në ekipe të mëdha si Monaco, Manchester United, Juventus, Marseille dhe West Ham.
Por së fundmi, Evra ka marrë një vendim të rëndësishëm për të dalë në fushën e MMA-së. Ish-mbrojtësi i Francës do të debutojë më datën 23 maj në evendin e PFL Europe Paris, duke realizuar një nga ëndrrat e tij.
“Duhet ta dini tashmë, edhe unë e dua këtë sport! Kam luajtur në skenat më të mëdha në botë, kam fituar të gjitha trofetë më prestigjiozë të futbollit. Por PFL Europe në Paris do të jetë një natë shumë e veçantë për mua. Kam vite që stërvitem me më të mirët në botë dhe ata do t’ju thonë që jam gati. Do të bëj një shfaqje në Açor Arena më 23 maj, ejani ta shihni.
Më pyetën se me kë doja të përballesha? Unë i thash me Luis Suarezin. Do të paguaja nga xhepi im, ai mundet edhe të më kafshojë”, shprehet Evra me shaka.
View this post on Instagram
Lexo gjithashtu
