Skënderbeu ul dozat stërvitore dhe paraqet planet për të ardhmen

Skënderbeu ka mbyllur përgatitjet për ditën e sotme, ndërsa nesër do të ulet doza, pasi të dielën do të zhvillohet takimi i parë miqësor kundër Korabit në Peshkopi. Ekipi kampion në fuqi nën drejtimin e trajnerit Andrea Agostinelli po përgatiten maksimalisht për të ardhmen, ndërsa nesër do të zhvillojnë vetëm një seancë.

Nëpërmjet njoftimit zyrtar nga faqja e Skënderbeut, bëhet me dije: “Ekipi ka mbyllur në këto momente seancën stërvitore të pasdites. Trajneri Agostinelli preferoi sot të testojë të besuarit e tij me një ndeshje brënda grupit. Tekniku bardhekuq mbeti mjaft i kënaqur nga ky takim, i cili tregoi edhe njeherë gjendjën fizike optimale të ekipit”.

“Ndërkohë, nesër do të zhvillohet vetëm një seancë stërvitore në palestër në orën 09:00 pasi pasdite ekipi do të udhëtojë drejt Peshkopisë, atje ku të djelë në orën 18:00 do të zhvillohet miqësorja ndaj Korabit”.