Ka ardhur ora e përforcimeve te Skënderbeu. Presidenti Ardjan Takaj pritet të prezantojë sot disa lojtarë, të cilët sezonin e ardhshëm do të jenë pjesë e kampionëve. Dhe bëhet fjalë për disa emra të njohur, siç janë futbollisti i Partizanit, Arbnor Fejzullahu, japonezi Mastao Fukui dhe vlonjati Hektor Idrizaj. Janë edhe dy futbollistë të tjerë kosovarë, që do të bashkohen me korçarët, por emrat e tyre ende nuk janë bërë të ditur. Pak ditë më parë me Skënderbeun është bashkuar mesfushori Argjent Mustafa, por, nga ana tjetër, ka pasur disa largime, si Kristi Vangjeli, Renato Arapi, Gerhard Progni dhe disa lojtarë të huaj. Presidenti i kampionëve bëri me dije pak ditë më parë se janë marrë masat për përforcimet dhe ja ku erdhi momenti që ai të flasë me emra konkretë. Fejzullahu, Fukui dhe Idrizaj i bëjnë shumë punë ekipit korçar, ku pritet të vijë edhe lojtari i Kombëtares, Andi Lila.
Lexo gjithashtu
