Ekipi i Skënderbeut vazhdon të jetë Turqi, ku po zhvillon fazën përgatitore. Drejtuesite e klubit kanë vendosur të shtyjnë qëdrimin në Antalia deri në datën 20 janar, pas vendimit që FSHF-ja mori për shtyrjen e kampionatit deri në datën 28 janar.
Skuadra nën drejtimin e trajnerit Ilir Daja ka zhvilluar sot një seancë force në palestër, ndërkohë që pasdite është vendosur të zhvillohet një ndeshje testuese brenda grupit.
Ky vendim për ndeshjen testuese brenda grupi ka ardhur pas mungesës së marrëveshjes me një ekip për zhvillimin e një ndeshje miqësore. Prej ditësh trajneri i korçarëve ka kërkuar që të luajë dhe një takim përpara largimit nga Turqia, por kjo nuk është bërë e mundur, pasi drejtuesit e klubit nuk kanë arritur dot të gjejnë një ekip tjetër për të zhvilluar një test paraprak përpara largimit nga Turqia.
[gallery columns="1" size="full" ids="74864"]
Lexo gjithashtu
