Katar 2022
Skënderbeu vazhdon të jetë ende në pritje të vendimit të CAS. Gjykata e Arbitrazhit Sportiv në Lozanë, përditësoi këtë të martë listën me seancat në gjykim në shkallën më të lartë të drejtësisë sportive deri në datën 9 prill, ku nuk figuron ende çështja mes Skënderbeut dhe UEFA-s që përjashtoi për 10 sezone klubin korçar nga pjesëmarrja nga kompeticionet europiane.
Korçarët prisnin që çështja e tyre të ishte e përfshirë në listën e UEFA-s, por diçka e tillë nuk ka ndodhur, dhe besohet se vendimi i CAS do të jetë në axhendën e radhës, nga mesi ose fundi i muajit prill. Gjatë këtij muaj pritet që të zbardhet dhe vendimi lidhur me dënimin 10 vjeçar që Skënderbeu mori nga UEFA disa muaj më parë. Korçarët nuk po kalojnë një moment të mirë në kampionat pasi kanë pësuar 6 humbje radhazi dhe çështja e CAS ka ndikuar jo pak në skuadër.
