Skënderbeu ka edhe një test në Austri, Agostineli vendos për formacionin

Para kthimit në Shqipëri, korçarët do të luajnë ndeshjen e tretë dhe të fundit miqësore në Tirol të Austrisë, ku janë duke u stërvitur. Testi me Makabin e Tel Avivit është vendimtar për trajnerin Andrea Agostineli, i cili do të fiksojë përfundimisht formacionin e ndeshjes me Frencvaroshin në Champions. Kjo miqësore luhet nesër pasdite dhe do të ndiqet nga afër edhe nga drejtuesit më të lartë të klubit, të cilët sot presin lajmin e mirë nga KAS-i. Në dy miqësoret e mëparshme, Skënderbeu ka humbur 2-1 me Rijekën dhe ka mundur 1-0 me Karabakun. Nesër është radha e sfidës me izraelitët, që po stërviten në të njëjtin vend me korçarët.