SKANDALOZE/ RTSH-ja bën “pirateri”, transmeton në spanjisht BARCELONA-REAL  

Shkelja e të drejtave të transmetimit televiziv është bërë një normë tashmë në Shqipëri. Sot në mbrëmje Radio Televizioni publik Shqiptar transmetoi në mënyrë të paligjshme supersfidën “El Clasico” Barcelona-Real Madrid në gjuhën spanjolle. Në kanalin “RTSH Kuvend” u transmetua takimi gjysmëfinal i Kupës së Mbretit, pasi nuk e ka garantuar të drejtën ekluzive të transmetimit të këtij kompeticioni dhe për më tepër të kësaj ndeshjeje.

Kjo ngjarje përbën një skandal të vërtetë, pasi RTSH është televizion publik, që paguhet nga taksat e qytetarëve shqiptarë dhe nuk është në gjendje të blejë transmetimin në shqip të këtij takimi madhëshor.