Skandal me kampionatin e moshave/ Policët ia fusin vrapit dhe braktisin stadiumin, ndërpritet ndeshja

Shkëndija U19-Laçi U19, sfida e vlefshme për javën e 6-të të Superligës U-19 u ndërpre dje në minutën e 60-të. Arsyeja ka qenë largimi i forcave të rendit nga kompleksi sportiv i Kamzës ku po luhej takimi.

Largimi i forcave të rendit ka qenë i menjëhershëm për një tjetër ngjarje që ka ndodhur në qytetin e Kamzës, ndërsa gjyqtari i takimit Shkëndija U19-Laçi U19 priti treçerek ore që forcat e rendit të ktheheshin, por pa sukses.

Pas kësaj procedure të nevojshme sipas rregullores së FSHF-së, gjyqtari Përmeti ka vendosur që ndeshja të mos rifillonte më.