Kategoria Superiore ka hyrë në një fazë të rëndësishme. Partizani u mposht 0-1 nga Skënderbeu, në ndeshjen e vlefshme për Superioren. Të kuqtë nuk bënë një ndeshje të mirë, me korçarët që u treguan mjaft të saktë në pjesën e parë. Pikërisht për këtë 90 minutësh dhe jo vetëm ka folur i mirënjohuri, Faruk Sejdini, në Sport News në News 24.
“Unë dua të them se ky kampionat do jetë kampionati i surprizave. Filloj i çuditshëm, e do derivoi çudira. Pandemia ishte e përgjithshme. Në rast se Shkodra arriti majen e madhe me shumë pikë diferencë, por nuk e mban dot.Të gjitha ekipet kanë shpresë.
Sigurisht që Tirana mund të besojë. Pse mos të themi që ka shpresë? Sot skuadra e Dajës mos shkonte si partizanët e vitit 1944, duhet të shkonte si partizanët e sotëm. Tani është edhe presioni psikologjik. Ka një ndryshim mes çunave të rinj që nesër pasnesër do të jenë trajneri dhe unë. Këta janë më të rezervuar se nesër pasnesër do të jenë në stol te x skuadër, kurse unë flas pa doreza. Tirana e ka humbur stofin e kampionit. Por aman, në memorien e futbollit është ekipi kampion. Ekipi i Tiranës, do të ecë, do të përparojë, për të dalë sërish kampion e ka të vështirë, por për t’u futur në Kupat e Europës, e ka detyrim.Po të isha unë në stol, do të luaja me pragmatizëm.Kamza ka koeficient virusi shumë të lartë, ruajtën Bathën që të mos merrte virusin. Ndeshja me Kastriotin më ngre pikëpyetje. Si mund të lesh Bathën në stol, në një ndeshje kaq vendimtare.
Nuk ka derbi pa tifozë dhe pa lojtarë dhe trajnerë që kanë traditat. Në derbi përplasen 2 histori, 2 shkolla. Janë 2 emblema që përplasen, s’ka lidhje me derbin, vjen ai nga Zimbabve, çfar derbi! ç’lidhje ka ai me derbin?” – tha Sejdini.
Loading ...
