Partizani arriti të dilte me 3 pikë nga derbi ndaj Tiranës. Të kuqtë fituan minimalisht 1-0 ndaj bardhebluve falë golit të Çinarit. Shkodrani u aktivizua në pjesën e dytë dhe në minutën e 83-të e dërgoi topin në rrjetë. Në fund të ndeshjes për “Gol pas Goli”, Çinari u shpreh:
“Asnjëherë nuk duhet të dorëzohem dhe të vazhdoj të punoj më shumë. Ëndërr goli? Kisha pak minuta pasi unë nuk jam 100% dhe është normale. Nuk e kam gjendjen fizike, por ëndërrat bëhen ndonjëherë edhe realitet dhe sot u bë realitet. Pritja për të hyrë në fushë? Zgjatja nuk kishte fund, por erdhi në momentin e duhur dhe nuk e di çfarë të them”.
I the Asanit të mos mërzitej për ndërrimin dhe çfrarë ka Vllaznia më shumë? “Zëvendësimet i vendos trajneri, Asanit e di që unë mund të ndryshoj ndeshjen dhe nuk ka nevojë të them gjë. Vllaznia është më meritë pasi ka bërë një kampionat të mirë.
Partizani beson te titulli pasi ka lojtarë që kanë dalë kampion. Janë shumë ndeshje në lojë dhe ne do të tentojmë deri në fund. Besoj se kemi edhe një derbi tjetër për të shlyer “borxhin” dhe rrëmujën që I bëra Partizanit. Sa herë kam shënuar kam pasur shumë mesazhe nga shkodranët. Si të gjithë lojtarët e tjerë unë jam profesionist dhe dua të mbroj ngjyrat e Partizanit”.
Pozicioni në fushë me Dajën? “Të them të drejtën nuk jam ende në formë, por mua nuk ka rëndësi ku të luaj, por vetëm të bëjë më të mirën në fushë”.
Loading ...
