Rusia i jep “një asist” Shqipërisë në Lojërat Olimpike, mësoni arsyen

Shqipëria do të përfaqësohet me gjashtë sportistë në Lojërat Olimpike në Rio. Peshëngritjsa Evangjeli Veli do t’i bashkohet delegacionit shqiptar sepse Federata e Peshëngritjes ka marrë një ftesë nga Federata Ndërkombëtare. Në këtë mënyrë Veli do të garojë me më të mirat e botës në kategorinë 53 kilogramë.

Këtë lajm e ka bërë të ditur edhe Federata Ndërkombëtare, pasi ka konfirmuar ftesën për një shtangiste femër. Pezullimi i garuesve të Rusisë për shkak të skandalit të dopingut ka bërë që të jetë Shqipëria ajo që do të përfitojë. Te rusët ishin 8 sportistë që u përjashtuan, të cilët do të zëvendësohen me disa sportistë të tjerë nga vende të ndryshme të botës.

Kështu që Veli i bashkohet listës së 5 sportistëve të tjerë, Luiza Gega, Izmir Smajlaj, Sidni Hoxha, Briken Calja dhe Nikol Merizaj.