Renato Arapi ka zyrtarizur transferimin e tij te skuadra kryeqytetase e Partizanit. Pas gjashtë sezoneve rreshtë që kaloi te skuadra e Skëndërbeut lojtari zgjedh të provojë një tjetër eksperiencë. Në një mesazh që ka përcjellë në Facebook ai iu shpreh falenderimet më të mëdha tifozerisë dhe gjithë sportdashësve për mbështetjen që ata i kanë dhënë në gjithë këto vjet .
“Doja të falënderoja përzemërsisht të gjithë qytetin dhe tifozët e Skënderbeut bashkë me bordin drejtues për mbështetjen që më kanë dhënë gjatë këtyre 6 viteve të mrekullueshme dhe plot lavdi. Vendosa që për arsyet e mia familjare të shkëputem nga Skënderbeu dhe të vazhdoj aventurën në një ekip tjetër. Skënderbeu është dhe do jetë gjithmonë shtëpia ime e dyte, nuk kam fjalë që ta përshkruaj mirënjohjen për këtë qytet dhe për këta njerëz që më kanë dhënë aq shumë. I uroj Skënderbeut sa më shumë suksese të tjera” -Renato Arapi
