Më 10 mars, tri ditë më parë, u zhvillua Edicioni 8-të i Turneut Ndërkombëtar, Kupa “Panajot Pano 2017”.
Me moton “Pano bashkon”, në nderim të një prej figurave më përfaqësuse të futbollit shqiptar, në këtë turne morrën pjesë tetë skuadra të gazetarëve sportivë: nga Shqipëria, Maqedonia, Gjermania dhe nga Kosova.
Ekipet pjesëmarrëse u ndanë në dy grupe për të luajtur kundër njëri-tjetrit.
Skuadrat pjesëmarrëse formoheshin nga gazetarët e Shkodrës, Radio Kosova, Art Chanel Tetovë, RTSH, Deutsche Welle, Uqlini, Supersport Kosova dhe Unioni i Gazetarëve të Shqipërisë.
Ndeshje interesante dhe me grintë në fushën e lojës në një nga kompelkset sportive në Prishtinë.
Trofeun e Kupës “Panajot Pano 2017” e fitoi skuadra e Supersport Kosova që mposhti në finale 3-2 me penallti (1-1 koha e rregullt), skuadrën e Art Channel.
Trofeu iu dorëzua kapitenit të ekipit të Supersport Kosovës, Artor Shalës nga ana e Ledio Panos, djali i legjendës së futbollit shqiptar, Panajot Panos.
Ndërkohë që juria, e cila kishte në përbërje, Gani Kosumi si kryetar, Shaban Sinani, Bahri Cani, Shpëtim Gjoshi, Anila Basha dhe Ferdinand Janku si anëtarë dha këto vlerësime:
-Lojtari më i mirë i turneut: Bekim Isufi (SuperSporti Kosova).
-Portieri më i mirë: Besfort Lokaj (Radio Kosova),
-Golashënuesi më i mirë: Elmedin Mahmuti (Art Channel të Tetovës), me 8 gola të shënuar.
-Ekipi më “Fair Play” i Turneut: Detsche Welle.
Turneu i 9-të Kupa “Panajot Pano 2018″, do të zhvillohet në Ulqin.
Loading ...
