Vllazania po përgatitet për sezonin e ri futbollistik që do e luajë në Kategorinë e Parë. Shkodranët kanë nisur nga puna për t’i dorëzuar Hasan Likës një ekip të “freskët” për të nisur rikthimin në elitë. Në një njoftim në faqen zyrtare në “Facebook”, kuqeblutë raportojnë se bëhet fjalë për 3 lojtar që kanë firmosur ditën e sotme, ndërsa nesër do të ketë të tjera surpriza.
“Gjatë ditës së sotme ka vijuar procesi i firmosjes së kontratave të reja me futbollistët aktualë të ekipit të parë të Vllaznisë. Konkretisht është rënë dakord dhe kanë firmosur kontratat e reja mbrojtësit Olsi Gocaj e Antonio Marku si dhe mesfushori Florind Bardulla. Procesi i firmosjes së kontratave të reja do të vijojë edhe gjatë ditës së nesër ku pritet të mbyllet gjithçka me 25 lojtarët e përzgjedhur nga stafi teknik për të qenë pjesë e skuadrës në sezonin futbollistik 2018-2019”.
Loading ...
