Kukësi ka udhëtuar drejt Turqisë, aty ku do të zhvillojë fazën përgatitore për sezonin e ri futbollistik. Skuadra kuksiane i është drejtuar aeroportit të Rinasit në orët e para të mëngjesit. Projekti i verilindorëve është serioz dhe i qartë teksa në sezonin e ri do të rivalizojnë për titullin kampion.
Me emërimin e Skënder Gegës në krye të skuadrës, atmosfera ka ndryshuar pozitivisht. Ndërkohë drejtuesit po punojnë në merkato për të pasuruar organikën me elementë cilësorë. Ekipi verilindor thuajse është riformatuar nga e para, ndërsa rinovimi i kapitenit Gjelbrim Taipi ka qenë një nga firmat më të rëndësishme.
