Sulejman Starova ka dhënë mendimin e tij për ndeshjet e ekipeve shqiptare në ditën e nesërme. Trajneri i njohur, në rolin e analistit në panelin e emisionit “Skaner” është shprehur se Laçi kalon në turin e tretë, kurse për Vllazninë dhe Tiranën është disi skeptik. Tashmë në krye të shkollës së trajningut në FSHF, Starova ka thënë:
“Dëshira është e madhe që t’i shikojmë të treja skuadrat të kualifikuara. Laçi kam mendimin që nuk do e diskutojë kualifikimin, ndërsa Tirana dhe Vllaznia do e kenë të vështirë. Edhe Tirana nuk mendoj se do luajë e dorëzuar. Zrinjskin e shikoj kundërshtar më të fortë se Tirana dhe kjo më bën pesimist për një kualifikim të bardhebluve.
Duhet të ishin më të përgatitur për të luajtur në Europë. Stoli i Tiranës, ishte me shumë lojtarë të rinj. Mund të kishin një plan B, që do i bënte punë. Kjo skuadër, nëse do ishte studiuar më mirë, mund të përballohej. Nëse Tirana kalon në avantazh, kam shpresë se shkon në shtesë dhe më pas në penallti”.
Lexo gjithashtu
