Largimi i Gerd Haxhiut nga drejtimi i Flamurtarit, ende pas nisur mirë punë i ka lënë të gjithë të shtangur. Jo vetëm vlonjati, por edhe Artim Pollozhani ka dhënë dorëheqjen nga posti i drejtorit sportiv duke lënë në “qiell të hapur” skuadrën kuqezi. Mësohet se shkak për largimin e tyre është bërë zyrtarizimi i Xhevahir Sukajt.
Shkodrani s’ishte në planet e stafit teknik teksa Gerd Haxhiu kishte vendosur veton për futbollistët që do të afroheshin. Rinovimi me sulmuesin ka krisur marrëdhëniet mes palëve duke sjellë edhe largimin e tyre. Veç kësaj, tjetër shkak për dorëheqjen e Haxhiut dhe Pollozhanit kanë qenë financat, ku Flamurtari vijon të vuajë ende duke mos gjetur një rrugëzgjidhje për pagesat e futbollistëve.