Policia e Tiranës do të ketë sot një ditë të ngarkuar, kjo për faktin se i duhet të jetë me përforcime të shumta në 3 zona të kryeqytetit. Duke qenë se ditën e sotme do të luhet derbi mes Partizanit dhe Tiranës, uniformat blu do të jenë të pranishme në stadiumin “Selman Stërmasi” për të garantuar rendin dhe sigurinë në këtë impiant të kryeqytetit.
Por, përveç kësaj ata duhet të jenë në gatishmëri dhe në bulevard për grevën që po zhvillohet nga opozita, ku kanë ngritur edhe një çadër përballë kryeministrisë. Megjithatë puna e tyre nuk ndalet këtu, pasi tifozët bardheblu kanë bojkotuar mbështetjen e skuadrës së tyre nga stadiumi dhe në këtë mënyrë ata kanë vendosur të grumbullohen në zonën e Xhamllikut, nga ku do të bëjnë tifo për Tiranën. Për të shmangur ndonjë incident të mundshëm, forcat policore priten të jenë të shumta dhe në këtë zonë të kryeyqytetit.
Loading ...
Leave a Reply
You must be logged in to post a comment.