Myrto Uzuni është padyshim lojtari i momentit jo vetëm tek Apolonia, por edhe në Kategorinë e Parë. Mesfushori me tipare sulmuese shënoi sërish një dygolësh në ndeshjen e fundit që fierakët fituan 3-0 ndaj Elbasanit për javën e 7-të të Kategorisë së Parë, duke qenë sërish vendimtar për ekipin e tij.
21-vjeçari që është pjesë e Shpresave të Shqipërisë, prej dy vitesh është shndërruar në objektiv të disa ekipeve të Superligës, por talenti beratas ka vendosur të qëndrojë edhe këtë vit me Apoloninë duke qenë se është edhe në kontratë me klubin fierak.
Sigurisht që statistikat e shndërrojnë në lojtarin e momentit dhe së shpejti pritet që të bëjë hapin e madh në karrierë. Në radhë janë klubet e njohura të Superligës, por pritet me interes se cila prej tyre do të fitojë shërbimet e Myrto Uzunit.
Lexo gjithashtu
