Florjan Përgjoni ishte padiskutim lojtari i ndeshjes së sotme. Lojtari i bardhebluve arriti të gjente rrugën e rrjetës që në minutën e 1 të takimit, ndërsa në fundin e sfidës bëri edhe rolin e portierit.
Për “Oversport” Përgjoni do të theksonte se:
Goli? Jam shumë i lumtur për fitoren, 3 pikët dhe golin. Shpresoj të vazhdojmë kështu përpara.
Portier? Ishte hera e parë për mua, ishte shumë e çuditshme. Duhet ta provoj më shumë këtë rol (qesh). Unë duhet të jap maksimumin në ndeshje që të marrim më të mirën.
Keni marr vendin e Ismajlgecit? Është një përgjegjësi për këtë fanellë. Mundohem të jap maksimumin për këtë fanellë, shpresoj të bëj gjithmonë mirë.
Keni luajtur me 4 mbrojtës, sot me 3. Si ndjeheni më mirë? Unë të them të drejtën,kjo e sotmja nuk është se e kemi provuar shpesh. Kam më shumë hapësirë për të shtyrë më parë dhe ndihem më mirë me 4.
Babai tifoz i Partizanit? Babi është kthyer me Tiranën tashmë, pasi këtu ka djalin e vet.
