Pas miqësores në Turqi, Emiliano Vila ka një dëshirë për Superioren

Emiliano Vila ka folur pas ndeshjes me Gabalën. Mesfushori i Partizani u shpreh mjaft i kënaqur me atë që skuadra e tij dhuroi në fushën e lojës. Për Supersport, Vila u shpreh:

“Jam shumë i kënaqur me ekipin. Zhvilluam një ndeshje mjaft të mirë, kundrejt një kundërshtari që ka një buxhet të lartë. Ne si lojtar na jep optimizëm për këto ditë që na kanë mbetur, derisa të fillojë kampionati. Kjo na ndihmon që të na forcojë si grup, por edhe konkurrencën mes  nesh. Jemi në rrugën e duhur për të arritur titullin kampion.

Kemi pësuar më pak gola se të gjithë. Kjo është meritë e të gjithëve, nga Ekuban në majën e sulmit deri te Albani në portë. Jemi të kënaqur të gjithë. Shpresoj që kjo vazhdimësi të shprehet edhe në kampionat”, ka përfunduar Emiliano Vila.