Mentor Mazrekaj, mesfushori i skuadrës së Partizanit, është pezulluar nga presidenti Demi për një periudhë kohore të papërcaktuar. Ai është kthyer në Kosovë, teksa shihet që po shijon pushimet e tij mes miqsh. Por ajo që bie në sy nga fotoja e postuar nga 27-vjeçari është konsumimi i alkoolit. Siç dihet futbollistët duhet të rrinë larg pijeve alkoolike, por mesa duket Mazrekaj nuk pyet për rregulla. Lojtari njihet si një njeri që frekuenton jetën e natës dhe gjithmonë ka pasur probleme me drejtuesi e kuq. Priten ditët në vazhdim se si do të rrjedhin ngjarjet mes dy palëve, ku do t’i jepet një zgjidhje përfundimtare.
